10 oktyabr 2024-cü il tarixində Xalq şairi, tərcüməçi Vahid Əziz Sumqayıt şəhərində yerləşən “Kimyaçı” Mədəniyyət Sarayında oxucuların qonağı olub.

“Onlar bir incidir” layihəsinin növbəti təqdimatı Abşeron-Xızı Regional Mədəniyyət İdarəsi və Şərqi Zəngəzur Regional Mədəniyyət İdarəsinin birgə təşkilatçılığı ilə baş tutub.

Tədbirin aparıcısı Əminəxatun Tərlan şairin həyat və yaradıcıllığı barədə iştirakçılara məlumat verib. Daha sonra qarşılıqlı söhbət şəklində davam edən görüşdə şair şeirləri ilə bağlı xatirələrini bölüşüb və oxucuların suallarını cavalandırıb.

Tədbirdə rəngarəng musiqi nömrələri ifa olunub. Birgə əməkdaşlıq çərçivəsində keçirilən tədbirdə millət vəkilləri, mədəniyyət işçiləri, rayon ictimaiyyətinin nümayəndələri və gənclər iştirak ediblər.

Tədbirin sonunda xatirə şəkilləri çəkilib.