Sumqayıt Regional Mədəniyyət İdarəsinə tabeli N.Nərimanov adına Mədəniyyət Mərkəzinin Dostluq Mədəniyyət evinin kollektivi, N.Nərimanov adına Mədəniyyət Mərkəzində ulu öndər Heydər Əliyevin anadan olmasının 100 illiyinə həsr olunan “Ulu bir sərkərdə, ulu bir öndər” adlı konsert proqramı ilə çıxış ediblər. İlk növbədə Ulu Öndərin həyat və fəaliyyətini əks etdirən sərgi və videoçarx nümayiş olunub. Tədbirdə Dostluq Mədəniyyət evinin “Xəzri” xalq mahnı və rəqs ansamblının ifasında “Azərbaycan suitası”, “Mehriban” uşaq rəqs kollektivinin ifasında isə “Bayram” rəqsi, bədii qiraət dərnəyinin üzvləri Mədinə Hüseynin, Emilyanın Quliyeva və Nurayın Şahsuvarlının ifasaında şeir nümunələri, həmçinin, Aydan Salahovanın ifasında “Dahi” və Nuray Şahsuvarlının ifasında isə “Ana kür” mahnısı səslənib.  Tədbirdə Daxili Qoşunların “N” saylı hərbi hissəsinin zabit və əsgər heyəti, mədəniyyət işçiləri və ictimaiyyət nümayəndələri iştirak ediblər. Konsert proqramı iştirakçılarda xoş təəsürat yaradıb.