Sumqayıt Regional Mədəniyyət İdarəsinə tabeli Bülbül adına 2 nömrəli Uşaq İncəsənət Məktəbinin rəssamlıq ixtisası üzrə təhsil alan şagirdləri Çexiya-Qazaxıstan I Beynəlxalq “Bohemian Music Festival” müsabiqəsində iştirak edərək, müxtəlif dərəcəli Laureat adına layiq görülüblər. İlyas Kiçibəyov Qran Pri, Fidan Hüseynova və Banuçiçək İsmayılova I yerə, Fatma Mustafayeva, Nərgiz Rzayeva, Cəvahir Osmanlı və Şəvval Nəsibli II yerə, Nuray Abbaszadə, Ayişə Həsənli və Fatimə İbrahimli III yerə layiq görülüb. Şagirdləri müsabiqəyə müəllimələri Səbinə Həsənzadə hazırlayıb.