Sumqayıt Regional Mədəniyyət İdarəsinə tabeli Səməd Vurğun adına Mərkəzi Kitabxananın Uşaq şöbəsinin əməkdaşları 8 fevral Beynəlxalq nənələr və babalar günü ilə əlaqədar Azərbaycanın Milli Qəhrəmanı şəhid Şükür Həmidovun ana və atasını ziyarət ediblər. Ziyarət zamanı şəhidimizin əziz xatirəsi anılaraq onun keçdiyi qəhrəmanlıq səhifəsinə səyahət edilib. Qeyd edilib ki, Şükür Həmidovun keçdiyi mənalı həyat yolu, qəhrəmanlığı və vətənpərvərliyi hər bir azərbaycanlı uşaq, şagird, eləcə də yeniyetmə və gənclər üçün örnəkdir. Şükür Həmidov bütün şəhidlərimiz kimi daim xalqımızın qəlbində yaşayacaq, xatirəsi ehtiramla yad olunacaq. Qeyd edək ki, fevralda həmçinin Şükür Həmidovun atası Nəriman Həmidovun 90 yaşı tamam olur. Bu ay Nəriman Həmidovun yubileyi qeyd ediləcək. Uşaq şöbəsinin əməkdaşları Nəriman babanı yubileyi münasibətilə təbrik ediblər. Həmçinin hər iki valideynə can sağlığı arzulayaraq, onları Beynəlxalq nənələr və babalar günü münasibətilə də ilə təbrik ediblər. Bildirilib ki, şəhid ailələri ölkəmizin, dövlətimizin daim diqqət mərkəzindədir. Biz bu cür qəhrəmanlar yetişdirən valideynlərə borcluyuq. Sonda şəhidimizin valideynləri göstərdikləri diqqət və qayğıya görə Azərbaycan Respublikasının Prezidenti cənab İlham Əliyevə minnətdarlığını bildiriblər.