Sumqayıt Regional Mədəniyyət İdarəsinə tabeli Gənclər Kitabxanasının Sumqayıt şəhər Gənclər evinin əməkdaşları ilə birgə Sumqayıt MKS-in “Bizi tanıdanları tanıdaq” layihəsi əsasında və “2 fevral – Gənclər günü”nə həsr olunan “Dəmir yumruq və Azərbaycan gəncliyi” adlı tədbir keçirilib. Tədbirin əvvəlində vətənimizin ərazi bütövlüyü uğrunda canından keçən şəhidlərimizin xatirəsi bir dəqiqəlik sükutla yad edilib. Aparıcı Gənclər Kitabxanasının müdir vəzifəsini m.i.e. Leyla Mahmudova bu günün yaranma tarixindən danışaraq gənclərə həmişə böyük diqqət və qayğı ilə yanaşan, gənclər siyasətinin ümummilli lider Heydər Əliyevin adı ilə bağlı olduğunu xüsusi vurğulayaraq “Dəmir yumruq və Azərbaycan gəncliyi adlı kitab sərgisi haqqında tədbir iştirakçılarına məlumat verib. Sonra ulu öndər Heydər Əliyevin və onun layiqli davamçısı cənab Prezident İlham Əliyevin gənclərlə olan görüşlərindən, çıxışlarından bəhs edən videoçarx izlənilib.

Sumqayıt Regional Mədəniyyət İdarəsinin rəisi Rəşad Əliyev çıxış edərək, Mədəniyyət və İncəsənt sahəsində çalışan, Azərbaycan mədəniyyətinin inkişafında, təbliğində rolu olan hər bir gəncə uğurlar arzulayaraq, eyni zamanda Azərbaycan Mədəniyyət Nazirliyinin adından da gənclərə təbrikini çatdırıb. Yazıçı-ssenarist, “Zərdabi” mükafatı laureatı Hafiz İmamnəzərli, Sumbuilders Robotexnika Proqramlaşdırma Mühəndislik Komandasının təsisçisi Tural Süleymanovun uğur hekayələri gənclər tərəfindən maraqla qarşılanıb. Çıxışlardan sonra tədbir gənclərin qonaqlara ünvanladığı suallarla davam edib. Sumqayıt MKS-in direktor vəzifəsini m. i.e. Natəvan Axundzadə gəncləri təbrik edərək tədbirin təşkilində əməyi keçən hər kəsə təşəkkürünü bildirib. Gənclər evinin psixoloqu Gülnar Yusifova gələn qonaqlara təşəkkürünü bildirərək, gəncləri bir daha təbrik edib.

Sonda Sumqayıt şəhər Həmkarlar Təşkilatının dəstəyi ilə fərqlənən gənclərə qonaqlar tərəfindən Fəxri Fərmanlar və hədiyyələr təqdim edilib.