Sumqayıt Regional Mədəniyyət İdarəsinə tabeli Sumqayıt şəhər Bülbül adına 2 nömrəli Uşaq İncəsənət Məktəbinin kollektivi Vətən müharibəsi şəhidi Hüseyn İsaq oğlu Yusifovun ailəsini ziyarət ediblər. Kollektiv qəhrəmanın ailəsi ilə görüşüb, onun haqqında geniş söhbət aparıb, ailənin qayğıları ilə maraqlanıb, maddi və mənəvi dəstək olublar. Vətən uğrunda, II Qarabağ Müharibəsində şəhidlik zirvəsinə yüksələn Sumqayıt şəhər Bülbül adına 2 nömrəli Uşaq İncəsənət Məktəbinin şagirdi olan H.Yusifov 2 oktyabr 2020-ci il Ağdərə istiqamətində gedən döyüşlərdə ağır yaralanıb və qəhrəmancasına arzusu olduğu şəhidlik zirvəsinə ucalıb. 88 gün itkin düşən əsgərimizin nəşi dekabrın 26-da tapılaraq, Sumqayıt şəhər Şəhidlər Xiyabanında torpağa tapşırılıb.