Sumqayıt Regional Mədəniyyət İdarəsinə tabeli Zəngilan şəhər Uşaq Musiqi Məktəbinin müəllim kollektivi Vətən müharibəsi qazisi Hüseyn İslam oğlu Mustafayevi ziyarət edib, ailənin qayğıları ilə maraqlanıb. Qazinin həyatı haqqında edilən söhbəti dinlədikcə qürur hissi və hüznlü anlar yaşanıb. Hüseyn İslam oğlu Mustafayev 1991-ci ildə Tovuz rayonu Xatınlı kəndində anadan olub. 1997-ci ildə I sinifə qəbul olub, 2008 - ci ildə məktəbi bitirərək, 2010 - cu ildən hərbi xidmətə yollanıb. Hüseyn Xüsusi Təyinatlı Qüvvələrin snayperçi, kəşfiyyatçısı idi. Erməni dilini səlis bilən qazi 2020-ci il oktyabrın 27 - si üçünçü dəfə yaralanıb. Murovdağda və Füzuli rayonunda yaralansada evə gəlmiyib. Sonuncu dəfə Şuşa uğrunda gedən döyüşlərdə ağır yaralanıb. Azərbaycan Respublikasının Prezidenti cənab İlham Əliyevin müvafiq Sərancamına əsasən “Xocavəndin azad olunmasına görə”, “Şuşanın azad olunmasına görə” və “Vətən uğrunda” medalları ilə təltif olunub.