Azərbaycan Respublikası Prezidentinin 2022-ci ilin “Şuşa ili” elan edilməsi ilə əlaqədar imzaladığı Sərəncamın icrası məqsədilə Sumqayıt Regional Mədəniyyət İdarəsinə tabeli Xızı rayon Heydər Əliyev Mərkəzinin, Cəfər Cabbarlı adına Xızı rayon Mədəniyyət Mərkəzinin və Xızı rayon Mərkəzi Kitabxanasının birgə təşkilatçılığı ilə Heydər Əliyev Mərkəzində “Şuşa ili”nə həsr olunan “Şuşa ili” - əsrlərə çırağım!” adlı ilin yekun tədbiri keçirilib. Tədbirdə Şuşanın tarixi və mədəniyyəti, işğal dönəmində və işğaldan sonra Şuşanın tarixi abidələri, görkəmli şəxsiyyətləri haqqında ətraflı çıxışlar edilib. Sonra Cəfər Cabbarlı adına Xızı rayon Mədəniyyət Mərkəzinin rəsm kursunun müəllimi və şagirdləri 2022-ci il ərzində “Şuşa ili”nə həsr edilən beynəlxalq və respublika səviyyəli müsabiqələrdə fəal iştirakına və qazandığı uğurlara görə Fəxri Fərmanlarla, Xızı rayon Heydər Əliyev Mərkəzinin “Ata yadigarı-Şuşa” adlı inşa-yazı müsabiqəsinin iştirakçıları Təşəkkürnamə ilə təltif olunublar. Sonda tədbir iştirakçıları Xızı rayon Heydər Əliyev Mərkəzinin “Qürurumuzun xilası - Şuşa” adlı əl işlərindən ibarət sərgiyə, Cəfər Cabbarlı adına Xızı rayon Mədəniyyət Mərkəzinin rəsm kurslarının şagirdlərinin rəsm əsərlərindən, əl işlərindən ibarət “Naxışların yaddaşında yaşayan Şuşa” adlı sərgisinə, Xızı rayon Mərkəzi Kitabxanasının Şuşaya həsr olunan kitablardan ibarət “Şanlı Şuşa - Zəfərimin haqq səsi” başlıqlı sərgisinə baxış keçirilib.