Sumqayıt Regional Mədəniyyət İdarəsinə tabeli Qubadlı Rayon Nümayəndəliyi tərəfindən Azərbaycanın Milli Qəhrəmanı Əlyar Əliyevin 65 illik yubileyinə həsr olunan tədbir keçirilib. Tədbirdə Qubadlı Rayon İcra Hakimiyyəti başçısının müavinləri və digər məsul işçilər, YAP-ın Qubadlı Rayon Təşkilatının sədri, Milli Qəhrəmanın dostları, döyüş yoldaşları, şəhid ailələri, qazilər, Əliyar Əliyevin ailə üzvləri iştirak ediblər. Əvvəlcə Azərbaycan Respublikasının Dövlət Himni səsləndirilib, Əlyar Əliyevin keçdiyi şərəfli həyat yolu haqqında videoçarxa tamaşa edilib, aparıcı Milli Qəhrəmanın döyüş yolundan geniş məlumat verib. Çıxış edənlər, şəhidin döyüş yoldaşları, sinif yoldaşları onunla bağlı xatirələrini bölüşüblər. Ardınca Vasili Əliyev adına Rayon Mədəniyyət evi və Mahmudlu kənd Mədəniyyət evinin hazırladığı kompozisiya, şeirlər söylənilib, ruh oxşayan musiqilər ifa olunub. Sonda Milli Qəhrəmanın oğlu Emin Əliyev çıxış edərək şəhid ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə, rayon rəhbərliyinə, tədbirin ərsəyə gəlməsində əməyi keçən hər kəsə təşəkkürünü bildirib.