Sumqayıt Regional Mədəniyyət İdarəsinə tabeli Səid Rüstəmov adına 3 nömrəli Uşaq İncəsənət Məktəbində Səid Rüstəmovun yaradıcılığına həsr olunan tədbir keçirilib. Tədbirin aparıcısı Nuranə Allahverdiyeva bəstəkarın həyat və yaradıcılığı haqqında geniş məlumat verib. Sonra məktəbin müəllim və şagirdləri konsert proqramı ilə çıxış ediblər. Şagirdlərdən fortepianoda Məlahət Azadlı “Sumqayıt”, klarnetdə Amil Abdulov “Alagöz”, skripkada Mariya Vəlibəyova “Rəqs”, sazda Fərid Baxşalı və Yusif Əmiraslanov “Azərbaycan”, tarda Məhəmməd Rəşidli “Quzum”, şagirdlərdən və müəllimlərdən xalq çalğı alətləri ansamblının müşayiəti ilə Rövşanə Əliyeva “Oxu gözəl”, Fatimə Hümbətova “Sumqayıt”, Kamran Babayev, Uğur Murtuzazadə və Əli Həzizadə “Quba” və digər musiqi nömrələri səsləndiriblər.