Sumqayıt Regional Mədəniyyət İdarəsinə tabeli Zəngilan rayon Uşaq Musiqi Məktəbinin direktoru Rövşən Həziyevin təşəbbüsü ilə müəllim kollektivi şəhid Polad Seyran oğlu Şirinovun ailəsini maddi və mənəvi dəstək məqsədli ziyarət ediblər. Kollektiv qəhrəmanımızın həyatı haqqında edilən maraqlı söhbəti dinlədikcə qürur hissi və hüznlü anlar yaşayıblar. Şəhidin yaxınları Cənab İlham Əliyevin şəhid ailələrinə və qazilərə göstərdiyi xüsusi qayğıdan söz açaraq, minnətdarlıqlarını bildiriblər.

Şəhidimiz 5 oktyabr 2002-ci il tarixində Bakı şəhərində anadan olub. Polad orta təhsilini bitirdikdən sonra hərbi xidmətə yollanıb və Xüsusi Təyinatlı Qüvvələrdə davam edib. O, 13-14 sentyabr 2020-ci ildə düşmən təxribatının qarşısını alarkən qəhrəmancasına həlak olub və II Fəxri Xiyabanda dəfn olunub. Ölümündən sonra ölkə başçısı tərəfindən “III dərəcəli Rəşadət Ordeni”, “Vətən uğrunda” medalı ilə təltif olunub.

Allah bütün şəhidlərimizə rəhmət eləsin!