Açıq havada təşkil olunan konsertdə Sumqayıt şəhər İcra Hakimiyyətinin başçısı Zakir Fərəcov, millət vəkilləri, hüquq mühafizə orqanlarının rəhbərləri, şəhid ailələri, qazilər və minlərlə şəhər sakini iştirak edib.

Azərbaycanın tarixi zəfərinin ikinci ildönümü münasibəti ilə keçirilən konsert proqramında Azərbaycanın tanınmış müğənniləri Faiq Ağayev, Miri Yusif, Aygün Kazımova, Mübariz Tağıyev, İlhamə Qasımova, Məleykə Əsədova, Təyyar Bayramov, Aytən Məhərrəmova, Amil Həsənoğlu, Sədəf Budaqova, İlkin Əhmədov və “Natiq” ritm qrupu iştirak edib.

Tanınmış simalar – Saleh Bağırov və Lalə Azərtaşın aparıcısı olduğu konsert proqramı İctimai TV tərəfindən canlı yayımlanıb.

Konsertin sonunda bayram atəşfəşanlığı təşkil olunub.