Sumqayıt Regional Mədəniyyyət İdarəsinə tabeli Abşeron rayon Mədəniyyət Mərkəzinin Novxanı kənd Sənətkarlıq klubu və MKS-nin Novxanı kənd Kitabxana filialının əməkdaşları Vətən müharibəsi şəhidi Ceyhun Elşad oğlu Useynovun ailəsini ziyarət ediblər. Azərbaycan Ordusunun kapitanı olan şəhidimiz Vətən müharibəsi zamanı Cəbrayıl və Füzuli rayonlarının işğaldan azad olunmasında fəal iştirak edərək, oktyabr ayının 6-da Cəbrayıl döyüşləri zamanı şəhid olub. Şəhidimiz Abşeron rayon Novxanı kəndində dəfn olunub.
Azərbaycan Respublikasının Prezidenti cənab İlham Əliyevin Sərəncamına əsasən Ceyhun Useynov ölümündən sonra "Vətən uğrunda", "Cəsur döyüşçü", "Cəbrayılın azad olunmasına görə", "Füzulinin azad olunmasına görə", "Kəlbəcərin azad olunmasına görə", "Vətən müharibəsi iştirakçısı", "Şücaətə görə" medalları və "Azərbaycan Bayrağı" ordeni ilə təltif edilib.
Şəhidimizin ailəsi onun döyüş yolundan söz açıb, göstərdiyi qəhrəmanlıqlara görə övladlarının onunla qürur hissi keçirdiyini və fəxr etdiyini bildirib.
Sonda xatirə şəkilləri çəkilib.
Allah şəhidlərimizə rəhmət eləsin!