Sumqayıt regional Mədəniyyət idarəsinin dəstəyi, C.Cabbarlı adına mədəniyyət evi N.Gəncəvi adına kitabxana klub ilə birlikdə Uşaqların Beynəlxalq Müdafiəsi Gününə həsr olunmuş “Uşaqların nağıl dünyası” adlı konsert proqramı təşkil edib.

Əvvəlcə qonaqlar kitabxana klubun həyətində təşkil olunmuş N.Gəncəvi adına kitabxana klubun rəsm dərnəyinin üzvlərinin əl işlərindən ibarət sərgi ilə tanış olublar.  

Sonra C.Cabbarlı adına mədəniyyət evinin “Turan” milli rəqs qrupunun  ifasında “Dilşadi”, “Dağlar gözəli”, “Ruhani” rəqsləri böyük maraqla qarşılanıb. 

Daha sonra N.Gəncəvi adına kitabxana klubun kiçik yaşlı oxucularının ifasında şeirlər, C.Cabbarlı adına mədəniyyət evinin solistləri Pənah Məmmədli və Gülnarə Maisin ifasında səslənən şən mahnılar maraqla dinlənilib.

Tədbirin sonunda AYB Sumqayıt bölməsinin sədri Gülnarə Cəmaləddin, C.Cabbarlı adına mədəniyyət evinin direktoru Aygün Qəhrəmanova, N.Gəncəvi adına kitabxana klubun direktoru Zərnigar Babayeva çıxış edərək uşaqları bayram münasibətilə təbrik edib, xoş arzularını çatdırıblar.