Sumqayıt Regional Mədəniyyət İdarəsinə tabeli olan Abşeron rayon Mərkəzi Kitabxanasında şair Mürvət Qədimoğlu Həkərinin 70 illik yubileyinə həsr olunan tədbir keçirilib. Tədbirə MKS-in direktoru, şair Məlahət Yusifqızının çıxışı ilə başlanılıb. O, kitab və müəllif haqqında ətraflı məlumat verib. Müəllifin “Qayıt yurda qayıt” kitabının redaktoru Adil Cəfakeş, şairlərdən Xanlar Zəngəzurlu, Zeynəb Bəhmənli, Xəlil Əhmədoğlu, Hümbət Məmmədov, Xaliq Laçınlı, Səmayə Güləliqızı, Vüsal Ağa çıxış edərək, şairi yubileyi münasibəti ilə təbrik ediblər.

Tədbirdə şairin və Bahar Abbasovanın ifasında şeirlərindən nümunələr səsləndirilib.

Sonda Mürvət Qədimoğlu kitablarından bir çoxunu kitabxanaya hədiyyə edib.