Sumqayıt Regional Mədəniyyət İdarəsinə tabe olan Nəriman Nərimanov adına Mədəniyyət Mərkəzində Vətən müharibəsi şəhidi Mayor Taleh Kərimovun doğum günü ilə əlaqədar “Qısa ömrün səhifəsi” adlı xatirə gecəsi  keçirilib.

Tədbirdə Müdafiə Nazirliyinin Kəşfiyyat bölməsinin rəisi Elvin Dadaşov, Sumqayıt şəhər İcra Hakimiyyəti Vətən Müharibəsi və Şəhid Ailələri işinin təşkili şöbəsinin müdiri Tərlan Hacızadə, Müdafiə Nazirliyi Kəşfiyyat İdarəsinin şöbə müdiri polkovnik Mehman Əliyev, nazirliyin əməkdaşı Elvin Dadaşov, şəhər Veteranlar Şurasının sədri Sovet Şükürov, şəhidin döyüş yoldaşları və həyat yoldaşı Nəzakət xanım çıxış ediblər.

Gecənin bədii hissəsində əməkdar artist Rauf Ağakişiyev, gənc şair Elvin Əlizadə şeirlər söyləyib, R.İdrisoğlu şəhidin adına bəstələdiyi mahnısını ifa edib. Tədbir digər musiqiçilərin vətənpərvərlik mövzusunda mahnıları ilə davam etdirilib.