06.11.2024
5 noyabr 2024-cü il tarixində Abşeron-Xızı Regional Mədəniyyət İdarəsi “Söz və səda” adlı yeni layihəsini təqdim edib.
Layihənin məqsədi Abşeron-Xızı Regional Mədəniyyət İdarəsinin xidməti əhatəsindəki şəhər və rayonlarda yazarlara, şairlərə dəstək olmaq, qələmdarlara stimul vermək, oxucuları mütaliəyə və səsləndirməyə təşviq etməkdir.
“Söz və səda” layihəsinin ilk buraxılışı Zəfər Gününə həsr olunub və Sumqayıt şəhər Heydər Əliyev Mərkəzində keçirilib.
Öncə Zəfər Gününə həsr olunmuş sərgiyə baxış keçirilib, daha sonra tədbir konsert proqramı ilə davam edib.
Qeyd edək ki, tədbirin bədii hissəsində müxtəlif musiqi nömrələri ifa olunub və şeirlər səsləndirilib.