22.01.2025
21 yanvar 2024-cü il tarixində Abşeron-Xızı Regional Mədəniyyət İdarəsi, Abşeron Rayon İcra Hakimiyyəti və Azərbaycan Yazıçılar Birliyinin Abşeron rayon bölməsinin birgə təşkilatçılığı ilə Abşeron rayon Mədəniyyət Mərkəzində Azərbaycanın xalq şairi, ictimai xadim, Dövlət mükafatları laureatı Nəbi Xəzrinin 100 illik yubileyinə həsr olunmuş təntənəli tədbir keçirilib.
Tədbirdə şairin ailə üzvləri, mədəniyyət işçiləri və rayon ictimaiyyətinin nümayəndələri iştirak ediblər.
Tədbir şairin ömür yolundan bəhs edən videoçarxın təqdimatı ilə başlayıb.
Tədbirin bədii hissəsində rayonun mədəniyyət-incəsənət xadimləri, habelə şairin məzun olduğu Xırdalan şəhər 4 nömrəli tam orta məktəbin şagirdləri ifasında şeirləri səsləndirilib, onun sözlərinə yazılmış mahnılar ifa edilib.